Ekonomia shqiptare vazhdon të përballet me çmime shumë të ulëta, shumë pranë rënies në deflacion. Sipas të dhënave zyrtare të sapo publikuara nga Instituti i Statistikave, treguesi i inflacionit rezultoi në kuotën 0.3%, që shënon një rritje të vogël prej vetëm 0.1 pikë përqindjeje krahasuar me muajin shkurt.
Rënia e inflacionit është shkaktuar kryesisht nga kontributi negativ në indeksin e inflacionit nga grupet e transportit, energjisë e veshjeve.
Sipas zërave:
Çmimet e grupit “Transporti” kontribuan me -0,28 pikë përqindje në indeksin e çmimeve.
Çmimet e grupit “Qira, ujë, lëndë djegëse dhe energji” kontribuan me -0,18 pikë përqindje.
Çmimet e grupeve “Veshje dhe këpucë” dhe “Shëndeti” kanë kontribuar me nga -0,09 pikë përqindje secili.
Krahasuar me një muaj më parë Shkurt 2016, rritja më e madhe mujore e çmimeve vërehet në grupin “Ushqime dhe pije alkoolike” me 1,1 %.
