Manchester United është në prag eliminimi nga Champions League dhe për këtë, fajin e ka Andre Onana. Portieri kamerunas bëri dy gafa në dy goditje dënimi që lejuan Gallatasarajin që të barazonte ndeshjen nga 1-3 në 3-3.
Kështu, golat e Garnacho, Bruno Fernandes dhe McTominay nuk vlejtën aspak dhe tashmë skuadra angleze varet nga të tjerët në kuadër të kualifikimit për në fazën tjetër të grupeve.
Arsyeja është se kur ka mbetur edhe një ndeshje për t’u luajtur, United renditet në vendin e fundit të grupit A, me 4 pikë, po aq sa Copenhagen. Ndërkohë, Gallatasaraji mban vendin e dytë, me 5 pikë, ndërsa Bayern Munchen ka siguruar vendin e parë, me 12 pikë.
Ndeshjen e fundit, United do ta luajë ndaj Bayern Munchen dhe nëse fiton, duhet të shpresojë në një barazim mes Gallatasarajit dhe Kopenhagenit për të kaluar më tej.
Ndërkohë, Sevilla u eliminua sot nga Champions League, pasi humbi 3-2 në shtëpi ndaj PSV Eindhoven.
/a.r
