Kandidati republikan për Shtëpinë e Bardhë, Donald Trump e ka përmendur sërish çështjen e masave të torturës ndaj terroristëve dhe vrasjes së familjeve të tyre, në një deklaratë dhënë për ”Wall Street Journal”, nëse ai do të zgjidhej president.
Donald Trump u kritikua edhe nga vetë kampi i tij për shkak të këtyre deklaratave të publikuara dy ditë më parë, në një debat me kundërshtarët e tij për parapraket republikane.
“Do të vë në dispozicion gjithë fuqinë time ligjore për arrestimin e armiqve terroristë. Jam i vetëdijshëm gjithsesi se SHBA janë të ndërlidhura nga ligje dhe traktate dhe nuk do të kërkoja nga ana e ushtrisë ose e zyrtarëve të tjerë të shkelnin ligjin”, shkruan miliarderi për gazetën.
“Është e qartë se në rolin e presidentit, jam i rrethuar nga ligjet në mënyrë krejt të qartë si të gjithë shtetasit amerikanë dhe do të marr përsipër këto përgjegjësi”, shtoi ai.
