Diego Maradona e ka sulmuar dhe kritikuar ashpër nipin e vet Christian Machuca gjatë një transmetimi të drejtpërdrejt në një televizion argjentinas, duke e quajtur frikacak.
I pakënaqur me atë që po e dëgjonte në emisionin ku fliste nipi i tij, ish-futbollisti argjentinas telefonon në emision duke iu drejtuar me fjalë të rënda Machucas, transmeton Gazeta Express.
“Jam duke e shikuar frikacakun numër një, nipin tim”, thotë Maradona menjëherë pasi t’i hapet telefoni.“Më bën të qesh mënyra sesi bëni një emision me këtë gjen false, me të [nipin].
Madje ai nuk e takon as nënën e vet, ndërsa mua nuk më ka takuar që një kohë shumë të gjatë. Ai m’i ka thyer shumë makina”, shtoi ai.“Ai është frikacaku më i madh në botë sepse fshihet. Ai bile më ka vjedhur para”, vazhdoi Maradona me akuza ndaj tij. (b.an)
