Njerëzit e lumtur janë mirënjohës për jetën që e kanë, pa marrë parasysh se sa e mbushur me probleme është ajo, se sa ata fitojnë, çfarë pune e punojnë dhe a e kanë makinën më të fundit, apo ndoshta e ngasin ndonjë të vjetër… Njerëzit e tillë e perceptojnë dhe e shprehin mirënjohjen në çdo hap.
Nëse vuajnë nga kanceri, ata janë mirënjohës për kujdesin mjekësor që e marrin dhe mbështetjen nga familja. Nëse nuk kanë familje ose partner, janë mirënjohës për miqtë e tyre. Është dëshmuar se një ndjenjë e tillë e ngritur liron nga stresi, ngritë disponimin dhe ndikon në mënyrë pozitive në gjithë sistemin imunitar, transmeton koha.net.
Çdokush me reflektime të shkurta ditore mund ta shikojë jetën në të njëjtën mënyrë. Mirënjohja mund të bëhet një shprehi e cila do t’ju ndihmojë që t’i shihni dhe t’i numëroni të gjitha momentet e lumtura në jetën tuaj dhe të bëheni njerëz të lumtur.
Njerëzit e lumtur janë:
– Mirënjohës për detajet. Ngjarjet e përditshme për ta nuk janë diçka që duhet marrë si të mirëqena. Njerëzit e lumtur janë mirënjohës që janë zgjuar të shëndetshëm dhe që i kanë të gjitha që ju nevojiten për jetën.
– Me vetëdije e ndajnë kohën e tyre për mirënjohje apo falënderim. Çdokush do të duhet ta gjejë një mënyrë që në mënyrë të vetëdijshme ta shprehë mirënjohjen. Disa do ta gjejnë kohën gjatë ditës që për pesë minuta të mendojnë për gjërat për të cilat janë mirënjohës, dhe disa, për shembull, derisa hanë, do të ndjehen mirënjohës që nuk janë të uritur. Për ta, ndjenja e mirënjohjes është një praktikë e përditshme.
– E shfaqin mirënjohjen. Çdo situatë mund të shfrytëzohet për t’u shprehur mirënjohja për përvojat e fituara, por kjo nuk ka nevojë të shprehet me fjalë sepse mirënjohja edhe duhet ndier. Ajo mund të jetë një psherëtimë e lehtësimit, frymëmarrje apo një shprehje e thjeshtë e ndjenjave.
– Janë mirënjohës ndaj njerëzve që i rrethojnë. Ata kanë një shprehi t’i falënderojnë njerëzit për gjëra të vogla. Nuk janë të frikësuar të japin komplimente, sepse e dinë që kjo do të shkaktojë reagime pozitive të cilat pastaj i mbushin bateritë e tyre.
– Ata flasin për mirënjohjen e tyre. Ndarja e ndjenjave të mirënjohjes dhe begatisë me të tjerët e plotëson njeriun, ndërsa me shprehjen e mirënjohjes dhe gëzimit të sinqertë njerëzit e lumtur i infektojnë edhe të tjerët.
– Janë mirënjohës për suksesin dhe lumturinë e të tjerëve. Aftësia për t’u kënaqur me lumturinë e dikujt tjetër mund të shkaktojë gëzim të madh. Njerëzit e lumtur e kuptojnë se ata jetojnë në një botë ku ka mjaft për të gjithë dhe nuk e shohin përfitimin e dikujt si një humbje personale. Për ta, përfitimi është diçka që ndahet dhe të gjithë janë të lumtur.
