Shkencëtarët Ugur Sahin dhe Ozlem Tureci, një çift gjermano-turk, i kanë kushtuar jetën e tyre fushës së onkologjisë dhe sëmundjeve infektive dhe kanë kaluar vite duke shërbyer si pioniere në trajtimet e personalizuara të imunoterapisë për kancerin.
Por mes pandemisë së koronavirus, hulumtimi novator i çiftit në fushën e kodit gjenetik të modifikuar, i ka katapultuar ata në sytë e publikut, si “trurin” prapa vaksinës së parë efektive të koronavirusit në botë. Sahin, 55 vjeç dhe Tureci, 53 vjeç, ngritën kpmanine BioNTech në qytetin gjerman të Mainzit në 2008. Të hënën partneri i kompanisë, gjigandi farmaceutik amerikan Pfizer, tha se vaksina e tyre kandidate ishte më shumë se 90% efektive në parandalimin e infeksionit Covid 19 tek vullnetarët.
Vaksina përdor teknologjinë e paprovuar më parë të quajtur “lajmëtari RNA”, ose mARN, për të nxitur një përgjigje imune tek njerëzit që janë vaksinuar. Në një telefonatë me gazetarët të Martën, Sahin shpjegoi rëndësinë e lajmit – dhe dërgoi një mesazh shprese për botën. “Unë mendoj se mesazhi i mirë për njerëzimin është se ne tani e kuptojmë që infeksionet COVID-19 mund të parandalohen me të vërtetë nga një vaksinë,” tha ai.
Duke folur për CNN të hënën, CEO i Pfizer, Albert Bourla e quajti atë “përparimi më i madh mjekësor” në 100 vitet e fundit. Ndërsa vaksina është një hap i madh për komunitetin shkencor, Sahin dhe Tureci janë veteranë në botën e arritjeve mjekësore. Dyshja, të dy mjekë të trajnuar, themeluan kompaninë e tyre të mëparshme, Ganymed Pharmaceuticals, në 2001 për të punuar në zhvillimin e antitrupave per te luftuar kancerin, duke e shitur përfundimisht për 1.4 miliardë dollarë në 2016.
Shefi ekzekutiv Sahin dhe shefja mjekësore Tureci janë renditur në mesin e 100 njerëzve më të pasur të Gjermanisë, sipas të përjavshmes ‘Welt am Sonntag’. Të martën, pas lajmit te vaksines, vlera e tregut e kompanise së tyre të listuar në bursë, u rrit në 25,72 miliardë dollarë – një hap i madh nga 4.6 miliardë dollarë vitin e kaluar.
