Gjatë prezantimit të flotës së ambulancave të reja, kryeministri Edi Rama foli sërish për bonusin e bebeve që do të aplikohet në janar të këtij viti.
Pasi uroi Vitin e Ri, Rama pati edhe një mesazh në formë batute për çiftet e reja.
‘Çiftet e reja të shtyjnë fortë përpara’, tha Rama, ndërsa rikujtoi se për çdo bebe të lindur pas 1 janarit shteti jep shpërblim 400 mijë lekë.
“Nga ana tjetër sigurisht që krahas bursës për ekselentët do japim dhe bursën për ata që vijnë në jetë, bonusin e bebes. Kuptohet që ata që vijnë të parët do e kenë më të ulët, ata që vijnë të dytët do e kenë më shumë, ata që vijnë të tretët akoma më shumë, 400 të parët, 800 të dytët, 1200 të tretët dhe kur vijnë bashkë i marrin po bashkë njësoj. Binjakët marrin 800 të dy, të tretët marrin 1200 të tre. Kështu që duke iu uruar Gëzuar Vitin e Ri dhe duke iu uruar çifteve të reja që të shtyjnë fortë përpara, ju uroj të gjithëve shumë sukses në Urgjencën Kombëtare”, tha Rama.
Javanews/a.çupaj
