Chelsea raportohet se ka kthyer vëmendjen kah mbrojtësi i Juventusit Leonardo Bonucci.
Trajneri Antonio Conte kishte shprehur interesim për italianin edhe gjatë verës së shkuar, por 29-vjeçari vazhdoi kontratën me “Zonjën e Vjetër”.
Megjithatë, siç raporton The Sun, lideri i Premier Ligës tani mund të transferojë qendërmbrojtësin për 42 milionë funte gjatë verës së këtij viti.
Bonucci së fundmi ka pasur një konflikt me trajnerin Massimiliano Allegri që ndikoi në mospërfshirjen e tij në ekip ndaj Portos në Ligën e Kampionëve. Ai ka pasur 282 paraqitje për kampionin e Series A, përgatiti Express. (b.an)
