Chelsea është kualifikuar në finale të FA Cup, pasi eliminoi Tottenhamin në gjysmëfinale – duke e mposhtur me shifrat 4:2 në ndeshjen që u zhvillua në “Wembley”.
Për djelmoshat e Antonio Contes, ndeshja e zhvilluar në “Wembley” nuk do të jetë e fundit për këtë sezon. Ata do të kthehen në këtë stadium për të zhvilluar finalen e madhe të FA Cup.
“Blutë e Londrës” kanë dhuruar spektakël ndaj Tottenahmit, ku triumfuan 4:2 për të siguruar finalen e madhe në FA Cup, ku tani do të përballen me fituesin e sfidës Arsenal – Manchester City.
Golat për Chelsean i shënuan, Willian (5’ dhe 43’), Hazard (75’) dhe Matic (80’). Derisa për Tottenhamin shënuan Harry Kane (18’) dhe Dele Alli (52’). /a.m.
