Ergys Kaçe duket se do të ndërroi skuadër në verën e vitit 2016. Mesfushori i Kombëtares shqiptare, Ergys Kaçe, është duke u kërkuar nga disa klube të Premierligës dhe Serie A.
PAOK’u tashmë ka filluar të negocioj me skuadrat që dëshiron të përfitoi sa më shumë nga shitja e shqiptarit, transmeton Albeu.com. Agjencia që e përfaqëson shqiptarin ka konfirmuar se disa klube evropiane janë të interesuara për shërbimet e lojtarit që ka shënuar gjashtë gola dhe ka dhuruar shtatë asistime gjatë kohës që po luan te PAOK-u.
Në listën e këtyre klubeve përmendet edhe emri i Chelsea-t. Për mesfushorin kanë qenë vetë menaxherët e Chelsea-t që janë interesuar duke e parë atë si një futbollist me perspektivë. Chelsea megjithatë mendohet se nuk do ta mbajë në skuadër që në muajt e parë, duke dashur ta huazojë fillimisht në Holandë, me shumë gjasa te skuadra e AZ Alkmaar, për të kuptuar nëse lojtari ka cilësitë e nevojshme për të fituar një vend në ekipin e Mourinhos sezonin e ardhshëm. Kaçe ka kontratë me PAOK’un deri në vitin 2017, klauzola për prishjen e kësaj kontrate është tre milionë euro.
