Kryeministri Rama ka dalë sërish në mbrojtje të konçesionit të check-up-it, duke u shprehur se shteti nuk mund të ofrojë këtë shërbim pa ndihmën e privatit. Rama foli pas vizitës në një laborator të analizave të check-up-it në Tiranë.
“Jam shumë i nderuar që kam takuar këto koordinatore të shkëlqyera. Jam i mrekulluar nga teknologjia, nga gjithë serioziteti dhe siguria e procesit dhe sigurisht se e kam ditur që garancia pas këtij suksesi është ndërthurja me dy kompani nga ma të famshmet që e mbështesin këtë proces. Këtë investim mund ta bënte vetëm partneriteti me privatin. Nuk e bënte dot shteti këtë lloj investimi dhe nuk e garantonte dot shteti këtë lloj cilësie” – tha Rama.
Nga ana tjetër, ministri Beqaj shpjegoi se 40 automjete në të gjithë vendin, po marrin kampionët e gjakut për t’i dërguar në laboratorë.
Kryeministri Rama foli pasi vizitoi laboratorin e check-up-it në Tiranë në shoqërinë e Ministrit të Shëndetësisë, i cili tha se në vend operojnë 380 qendra shëndetësore, ku flota me 40 automjete, merr kampionët dhe i përcjell në 20 laboratorët e ngritur në gjithë vendin.
