Do të ishte e vështirë për Presidentin turk, Rexhep Tayyip Erdogan të “shpëtonte” nga Charlie Hebdo, me deklaratat e fundit që ai ka bërë kundër homologut të tij francez, Emanuel Macron, duke përdorur si pretekst, kësaj radhe, çështjet fetare.
Kështu, në numrin e saj të ri, revista satirike paraqet presidentin turk, në një karikaturë që duhet thënë se është vërtet e pahijshme, por kjo e ka vendosur atë në mendjet e lexuesve në të gjithë botën, ndërsa pritet të sjellë reagime të ashpra nga Turqia.
Në të, presidenti turk duket se ngre rrobat e një gruaje myslimane dhe kur sheh vithet e saj të zhveshura, ai thërret “Oooh, Profeti!”.
Në mbishkrimin e faqes së parë, Charlie Hebdo shkruan: “Erdogan: Në jetën e tij private ai është shumë qesharak”.
