Distrikti Chaoyang në Pekin zbuloi një objektiv ambicioz për t’u bërë destinacioni i parë për turistët ndërkombëtarë që mbërrijnë në Pekin gjatë periudhës së Planit të 15-të Pesëvjeçar (2026-2030), shkruan “China Daily”.
“Distrikti do të krijojë një mjedis të ndërkombëtarizuar dhe të përshtatshëm për blerësit globalë duke shtuar dhe përmirësuar dyqanet “duty-free” dhe zonat tregtare me rimbursim të menjëhershëm të taksave”,-tha Chen Feng, drejtor i Zyrës Tregtare të distriktit.
Statistikat tregojnë se distrikti ka mbi 100 komplekse tregtare, me më shumë se 2000 dyqane kryesore. Po ashtu, në këtë zonë ndodhen rreth 30 për qind e lokaleve të çajit të qytetit, 50 për qind e kafeneve, 60 për qind e restoranteve me yje “Michelin” dhe 70 për qind e restoranteve “Black Pearl” të qytetit.
Sipas Chen, gjatë pesë viteve të ardhshme, distrikti planifikon të rinovojë komplekset e njohura tregtare, siç janë “Blue Island Tower”, “The Place” dhe Qendrat Tregtare “Yansha Youyi”.
