Kanë përfunduar ndeshjet e mbrëmjes së sotme të fazës së grupeve të “Uefa Champions League”. Reali i Madridit ka dominuar në takimin e luajtur në “Santiago Bernabeo” duke fituar me rezultatin e pastër 3-0.
Heroi i skuadrës së drejtuar nga ana e trajnerit, Zinedin Zidane, ishte ylli portugez që shënoi një dopietë. Goli i tretë për ekipin madrilen u realizua nga ana qëndërmbrojtësit Sergio Ramos.
Një nisje e mirë për kampionët në fuqi të këtij kompeticioni duke siguruar tre pikët e para. Manchester City mori një fitore të lehtë dhe të thellë në transfertë kundër ekipit Holandez të Feyenoordit.
“Qytetarët” triumfuan me rezultatin e thellë 4-0 ku shënuan Stones një dopietë, Aguerro, dhe Jesus.
Ndërsa, ekipi i Liverpoolit nuk shkoi me shumë se barazimi në fushën e saj duke u ndalur nga Sevillia me shifrat 2-2. Ndërkohë, Napoli u mund në transfertë kundër skuadrës së Shakhtarit me rezultatin 2-1. Në këtë takim u aktivizua për 90-minuta mbrojtësi i kombëtares shqiptare Elseid Hysaj.
Rezultatet e ndeshjeve të sotme të “Uefa Champions League”
Porto 1-2 Besiktas
Feyenoord 0-4 Manchester City
Liverpool 2-2 Sevillia
Maribor 1-1 Spartak Moscoë
RB Leipzing 1-1 Monaco
Real Madrid 3-0 Apoel
Shakhtar Donetsk 2-1 Napoli
Tottenham 2-1 Borussia Dortmund
