Nata e dytë e Champions League ka prodhuar rezultate surprizë. E tillë ishte fitorja e Lille përballë Real Madrid dhe ajo e Aston Vilas përballë Bayern Munchen.
Edhe pse gjigantët madrilenë ishin padiskutim favoritë përballë Lille, skuadra e Edon Zhegrovës ka bërë suprizën duke fituar me rezultatin e ngushtë 1-0.
Ishte pikërisht mesfushori i Kosovës, Edon Zhegrova i cili në minutën e 45-të të pjesës së parë fitoi një 11-metërsh i cili u ekzekutua saktë nga Davide.
Me këtë rezultat u mbyll e gjithë ndeshja, ku pavarësisht rasteve të shumta madrilenët nuk mundën të shënojnë.
Ndërkohë që edhe Bayern Munchen ka zhgënjyer pasi është mudnur në transfertë 1-0 nga anglezët e Aston Vilas.
Duran shënoi për anglezët në minutën e 79-të.
Një tjetër rezultat suprizë ishte dhe humbja e thellë që Atletiko Madrid pësoi në Portugali përballë Benfikës, ku u mund 4-0.
Ndërkohë që Juventus ka fituar me “shpirt” përballë gjermanëve të Leipzig, duke i mposhtur 3-2 edhe pse italianët prej minutës së 59-të ishin me 10 futbollistë pas daljes me karton të kuq të portierit Di Gregorio.
Ndërsa më herët Atalanta e Berat Gjimshitit fitoi 3-0 me Shakhtar Donetks, ku goli i parë u shënua nga kapiteni i Shqipërisë.
Të gjitha rezultatet e mbrëmjes:
