Borussia Dortmund ka vendosur një rekord të ri për numrin e golave të shënuar në fazën e grupeve në Champions League. Goli i Marco Reus në minutën e 87-të i dha barazimin 2-2 kundër Realit dhe vendin e parë në grup, por njëherazi theu edhe rekordin që mbahej nga Manchester United e Barcelona.
Verdhezinjtë shënuan 21 herë në gjashtë ndeshjet e Grupit F, ndërsa United më 1998 dhe Barcelona më 2011 kishin shënuar nga 20 herë.
Më herët në takimet e këtij grupi, Dortmund dhe Legia Varshavë, në fitoren 8-4 të gjermanëve, kishin vendosur rekordin e numrit më të madh të golave në një ndeshje të vetme në Champions League, duke kaluar Monaco-Deportivo 8-3 të vitit 2004.
d.i.
Champions, Borussia Dortmund vendos rekord për numrin e golave në grup
