Sot në mbrëmje janë luajtur dy çerekfinalet e para të Ligës së Kampionëve, ku Barcelona dhe Bajerni i Mynihut kanë korrur fitore. Gjermanët mposhtën portugezët e Benfikës me vetëm një gol në shtëpi. Djemtë e Guardiolës iu falën golit të Arturo Vidal, i shënuar që në minutat e para të ndeshjes.
Ndërsa Barcelona ka fituar 2-1 me përmbysje ndaj Atletiko Madrid në shtëpi. Pas golit të Fernando Torresit, ishte Luis Suarez ai që përmbysi madrilenët, duke i dhënë fitoren Barcelonës 2-1 në “Camp Nou”.
