Lufta në Ukrainë hyn në ditën e saj të 158-të. Pas shiut të raketave ruse mbi Mykolaiv të dielën, qyteti iu nënshtrua edhe bombardimeve të reja gjatë natës.
Qyteti ukrainas i Mykolaiv, ku manjati ukrainas Oleksiy Vadaturskyi dhe gruaja e tij Raisa Vadaturska u vranë me bombë të dielën, u vu sërish në shënjestër gjatë natës nga bombardimet ruse. Kryetari i bashkisë Oleksandr Sienkevych raportoi se shpërthime u dëgjuan në pjesë të ndryshme të qytetit gjatë natës së 1 gushtit.
Ndërkohë, mediat kanë bërë të ditur se ngarkesa e parë me grurë është nisur nga Odessa në orën 7:30 të mëngjesit të së hënës, ndërsa destinacioni i saj do të jetë pikërisht Turqia.
Ky është largimi i parë i një anijeje me drithë që nga fillimi i pushtimit rus, sipas ministrisë së infrastrukturës të Ukrainës.
Falë marrëveshjes së arritur javët e fundit edhe me Rusinë, dërgesa e grurit nga Ukraina mund të rifillojë kështu pas ndalesës së gjatë për shkak të luftës.
Apeli i Papës për të ndalur konfliktin: “E vetmja gjë e arsyeshme është të ndalemi dhe të negociojmë”.
Presidenti Zelensky nga ana tjetër bën thirrje për evakuimin e civilëve nga rajoni i Donetsk.
/e.d
