Çfarë mendojnë meshkujt për të brendshmet e vajzave
Tanga, boksera, bikini, kur vjen puna te të brendshmet, gratë kanë parapëlqimet e tyre. Dhe me ç’duket edhe meshkujt, por ndërsa të brendshmet e tyre janë bazike, gratë kanë një pafundësi zgjedhjesh. Sigurisht, çdo gjë që veshim, nga të brendshmet deri te palltoja, bëjmë mirë ta veshim për veten tonë, por është interesante të dimë edhe ç’mendojnë ata. Huffington Post bashkë AskMen.com kanë organizuar një sondazh dhe kanë pyetur rreth 2,700 burra për preferencat e tyre për të brendshmet e vajzave. Më poshtë janë rezultatet brenda një infografiku të përgatitur nga Jessica Kane.
Pyetja e parë: Modeli i preferuar i mbathjeve. E dyta: Modeli i preferuar i reçipetave. Poshtë çdo modeli është një numër që tregon përqindjen e burrave që i preferojnë më shumë. Pyetjes si ndihen para reçipetave push-up, 49 për qind i janë përgjigjur që i pëlqejnë edhe pse janë false, 31 për qind thonë që nuk kanë ndonjë ndjesi, 12 për qind i quajnë reklamë false dhe 8 për qind nuk kanë dashur të përgjigjen. Kur janë vendosur para fotos së një palë reçipetash për të gjetur sa kushtojnë, vetëm 6 për qind kanë gjetur çmimin e saktë prej 250 dollarësh. Nuk kanë faj fare! As ne nuk e gjetëm.
Shumica e burrave i preferojnë grat me reçipeta push up dhe tanga. E para është me të vërtetë surprizë sepse deri tani flitej për një mashtrim që ata nuk e duronin dot dhe i zhgënjente keq. Gjithashtu del që burrat nuk e kanë idenë sa mund të kushtojnë një palë reçipeta, por ka edhe përgjigje që të surprizojnë për mirë. Pyetjes “Nëse të brendshmet e një gruaje nuk do ju pëlqenin, a mund të bëhej ky një faktor nxitës për t’u larguar gjatë një nate me të?”, një 92 përqindësh i mirë, iu përgjigj me jo. Një tjetër u kërkoi djemve të thoshin pse ata mund të blinin të brendshme për partneren dhe 68 për qind u përgjigjën “për ta bërë të ndihet sexy”.
