Socialistët duket se do t’i shkojnë deri në fund çështjes së lobimit 1 milionë dollarësh të Partisë Demokratike në SHBA përmes kompanive Offshore. Kreu i Grupit të PS Taulant Balla i ka përmendur Bashës një tjetër emër.
Ai e pyet për lidhjet e Bashës me Kamil Ekim Alptekin, duke shtuar se “për këtë makinacion financiar me 1 milion dollarë, do të ishte tronditur çdo parti politike në çdo vend demokratik”.
Postimi i Ballës:
Hapen edhe më shumë “petët e byrekut”, ku “qeraxhiu” i SHQUP-it e ka mbytur Partinë Demokratike.
Pyetja e radhës për Lulzim Bashën:
Kush është lidhja jote me Kamil Ekim Alptekin?
Kujtojmë edhe një herë se vetëm Lulzim Basha, askush tjetër, e di të vertetën e përdorimit të vulës së kryetarit të PD për këtë makinacion financiar me 1 milion dollarë, që do të kishte tronditur çdo parti politike në çdo vend demokratik.
