Për periudhën 2000-2015 Shqipëria ka përfituar nga fondi i Grupit të Vishegradit në total 144.890 Euro, nga të cilat 71 mijë Euro grante, 9.990 Euro grante universitare si dhe 63.900 scholarshipe.
(…) çdo grupim informal, por i disiplinuar, vendesh, të cilat ndajnë të njëjtin vizion të asaj çka duan të arrijnë, mund të ndikojnë efektshëm tek aktorë më të rëndësishëm në Evropë dhe botën mbarë.”
Zbignjiev Bzhezhinjski në takimin V4, prill 2013
Grupi i Vishegradit (ose thjesht V4) është krijuar pas rënies së perdes së hekurt, në shkurt 1991. Presidenti i Republikës Çekosllovake, Vaclav Havel, Presidenti i Republikës së Polonisë, Leh Vallensa dhe Kryeministri i Republikës së Hungarisë, Jozsef Antall nënshkruan deklaratën për bashkëpunim më 15 shkurt 1991 në qytetin hungarez të Vishegradit.
Dialogu i V4 në shumë nivele.
Dialogu i V4 përfshin bashkëpunim si në nivel të lartë, ashtu edhe atë në nivel ekspertësh, çka përkthehet me takime periodike të ministrave të jashtëm dhe eskpertëve të fushave përkatëse për nivele më të ulta. Vitet e fundit ky dialog është zgjeruar në formatin V4+ Ballkani Perëndimor që përfshin Shqipërinë, Bosnje Hercegovinën, Malin e Zi, Kosovën, Maqedoninë dhe Serbinë, por edhe V4+ Partneriteti Lindor V4+NB8
Dialogu në formatin V4+ Ballkani Perëndimor
-Konsultime vjetore të ministrave të Punëve të Jashtme në formatin V4+ Ballkanin Perëndimor me pjesëmarrjen e përfaqësuesve të institucioneve të BE (një takim i tillë do të mbahet këtë vit në nëntor në Varshavë).
Grupi i Vishegradit planifikon një rol aktiv në zonat ndërkufitare me idenë për të zgjidhur problemet e tyre specifike. Të gjitha programet synojnë që nëpërmjet sinergjisë institucionale të ndihmojnë zgjidhjen e problemeve specifike.
V4 është shndërruar në një zë të fortë brenda BE në sfidat kyçe siç janë kriza e emigrantëve, energjia, politikat e mbrojtjes klimatike dhe mjesidit, zë i ndjeshëm për problemet që kanë të bëjnë me rritjen ekonomike dhe punësimin, por edhe me të ardhmen e BE, bujqësinë, shëndetësinë, shëndetin, teknologjinë dhe inovacionin. (b.an)
