Mynyre Muçës, nënës së pesë fëmijëve, i janë shtuar më tepër hallet pas gushtit të vitit 2012.
E veja e Fiqiriut, i vrarë 4 vite më parë nga Nazime Visha, vajza me të cilën kishte një lidhje jashtëmartesore, sot përballet me një sfidë që tejkalon fuqinë e saj. Përballet me urinë dhe më një kredi të pashlyer prej afro 1 milion lekësh (të vjetra) që burri i la, së bashku me dramën.
Si kryefamiljare, ajo ka një mision të pamundur: të ngopë me bukë pesë fëmijët e saj.
Frika më e madhe, që sfilit të gjithë familjen, është ajo që banka mund t’u sekuestrojë edhe shtëpinë. Për Floridën, Elën dhe Danielin, tre nga fëmijët, ky do të ishte fundi.
Lajmet se ka kërcënuar Nazimen pas lirimit, Mynyrja refuzon t’i pranojë.
E kaluara dhe e tashmja vijojnë të mbeten një sprovë e madhe për këtë familje, e megjithatë fotografia e Fiqiriut mbahet ende në muret e shtëpisë./Tch/a.m.
