Kreu i Partisë së Lirisë, Ilir Meta ka sulmuar Gjykatën Kushtetuese, duke e akuzuar atë si të kapur nga kryeministri Edi Rama, pas vendimi të Gjykatës së Romës për të rrëzuar marrëveshjen Rama-Meloni.
Duke sjellë në kujtesë vendimin e Gjykatës Kushtetuese të Shqipërisë e cila e vlerësoi si të ligjshëm vendimin për hapjen e kampeve italiane në Gjadër dhe përdorimin e tyre për transferim të emigrantëve,
Meta shprehet se vendimi i gjykatës italiane rrëzoi dhe Kushtetuesen tonë.
Sipas Metës, kjo marrëveshje shkel Kushtetutën, Konventën Europiane të të Drejtave të Njeriut, ligjet ndërkombëtare të refugjatëve dhe marrëveshjet për refugjatët.
“Vendimi i Gjykatës së Romës për të rrëzuar paktin Rama-Meloni rrëzon edhe Gjykatën Kushtetuese të Shqipërisë si një institucion të uzurpuar nga Edi Rama që shkel Kushtetutën, Konventën Europiane të të Drejtave të Njeriut, ligjet ndërkombëtare të refugjatëve e marrëveshjet për refugjatët”, shkruan Meta në platformën “X”
