Hamasi, ose Lëvizja e Rezistencës Islamike (Ḥarakat al-Muqāwamah al-Islāmiyyah) mbledh luftëtarët palestinezë në Bregun Perëndimor dhe Rripin e Gazës, i cili mbron krijimin e një shteti të pavarur palestinez brenda kufijve historikë.
Hamasi u formua në vitin 1987 nga Sheikh Ahmad Yassin, si një degë palestineze e Vëllazërisë Myslimane, me qëllim kryesor krijimin e një shteti islam në territorin që përfshin Izraelin, Rripin e Gazës dhe Bregun Perëndimor.
“Ne duam të ngremë flamujt e Allahut mbi çdo pjesë të Palestinës”, thuhet në dokumentin themelues të Hamasit.
Mbështetësit e Hamasit mbrojnë xhihadin, ose luftën e shenjtë, e cila në dekadat e mëparshme i referohej kryesisht veprimeve të drejtuara kundër Izraelit.
Ndryshe nga Fatah, Hamasi kundërshton negociatat ose arritjen e një kompromisi për statusin e një shteti palestinez, duke argumentuar se “nuk ka zgjidhje tjetër përveç xhihadit” për problemin.
Menjëherë pas themelimit të tij, Hamasi kundërshtoi ashpër qasjen laike për zgjidhjen e problemeve të hapura, e cila mbështetej nga Organizata për Çlirimin e Palestinës.
Hamasi u formua në thelb nga aktivistë palestinezë të cilët ishin lidhur ngushtë me Vëllazërinë Myslimane që nga vitet 1970 dhe përhapën ndikimin e tyre përmes një rrjeti spitalesh, shkollash dhe organizatash humanitare në territoret palestineze, me aktivitetet e tyre në Bregun Perëndimor kryesisht të kufizuara në universitete.
Marrëdhëniet midis Hamasit dhe PLO u tensionuan në vitin 1988, pasi organizata e drejtuar nga Yasser Arafat njohu të drejtën e ekzistencës së Izraelit.
Në këtë mënyrë, Hamasi në thelb u nda nga të gjitha organizatat e tjera palestineze dhe filloi një seri sulmesh ndaj rivalëve politikë, dhe në vitin 1989 izraelitët arrestuan Sheikh Ahmed Yasin.
Ky veprim i Izraelit bëri që Hamasi të ndryshojë mënyrën e funksionimit dhe të zhvendosë selinë e tij në Jordani, e cila dhjetë vjet më vonë dëboi drejtuesit e kësaj organizate, duke pretenduar se ata kishin organizuar aksione në Bregun Perëndimor nga territori jordanez.
Nga viti 2001 deri në vitin 2012, selia e Hamasit ishte e vendosur në Damask, nga ku u zhvendos në Doha, pas konflikteve për përgjigjen e Bashar Al Asadit ndaj kryengritjes në Siri.
Tre vjet më parë, izraelitët vranë 60 dhe plagosën më shumë se 2500 palestinezë që u përpoqën të hynin në territorin izraelit gjatë protestave masive, të cilat shkaktuan një përshkallëzim të ri të dhunës që zgjati për disa muaj.
/a.r
