Detaje të reja janë zbardhur nga vrasja e efektivit të FNSH së Shkodrës, Xhulio Prela.
Burime për Abcnews.al bëjnë me dije se i riu po udhëtonte drejt qytetit të Shkodrës për të dërguar një person me të cilin ka komunikuar në telefon.
Bëhet me dije xhami i përparmë i makinës në anën e pasagjerit është konstatuar i hapur, duke hedhur dyshime se viktima mund të jetë takuar me autorin e vrasjes, pasi gjuajtja ka qenë shumë afër.
Sipas burimeve bëhet me dije se drejt të riut është qëlluar me 3 plumba të llojit pistoletë, ndërsa një plumb në zemër i ka marrë jetën 26-vjeçarit.
Efektivi i ekzekutuar, Xhulio Prela, 26-vjeç
Xhulio Prela 26-vjeç , u ekzekutua mëngjesin e sotëm rreth orës 03:00. Ngjarja ndodhi në aksin rrugor, Lezhë-Milot, në afërsi të fshatit Gajush.
g.kosovari
