Fasoneritë dhe kompanitë call center që kanë një numër të madh të punonjësve duhet të marrin masat në këto ditë ku koronavirusi ka infektuar 15 persona dhe ka marrë jetën e një gruaje 73-vjeçare.
Kryeministri Edi Rama ka dalë në një komunikim live në Facebook ku i bën thirrje që të vendosin distancat e sigurta mes tavolinave të punës.
Përvec kësaj, punëtorët duhet të jenë të pajisur me doreza plastike dhe detergjentë.
“U takon kompanive, sipërmarrjeve prodhuese që të marrin masat dhe të bëjnë shkurtimet e nevojshme, vendosjen e distancave të sigurta, vendosjen e elementëve që ndihmojnë në përballimin e situatës që nga masat, dorezat plastike, detergjentët e nevojshëm dhe kështu me radhë”, tha kryeministri.
