Çfarë do të bëjë Zlatan Ibrahimoviç kur të lërë futbollin… fillimisht do nisë një kurs

Sulmuesi suedez me origjinë boshnjake, Zlatan Ibrahimovic do të bëhet trajner kur t’i japë fund futbollit të luajtur.

Sipas të përditshmes britanike “The Sun”, plani i sulmuesit është që të nisë kursin e trajnerit që në vitin e ardhshëm.

Veterani 34-vjeçar thuhet se ka folur që tani me trajnerin Jose Mourinho për këtë çështje. Kursi pas të cilit Ibrahimovic do të marrë licencën e trajnerit përfundon në verën e ardhshme, por ai pritet të vazhdojë të luajë futboll edhe për pak kohë.

“Ai ende nuk e mendon fundin e karrierës, sepse dëshiron të luajë dy apo tre vite të tjera. Jose ia ka lënë derën hapur dhe Ibrës i pëlqen ideja e të trajnuarit”, – ka zbuluar një burim pranë klubit të Manchester United.