Ish-Ministri i Brendshëm Saimir Tahiri ishte sot në Prokurorinë e Krimeve të Rënda ku ka dhënë dëshminë e tij lidhur me hetimin e nisur nga ana e organit të akuzës. Ndryshe nga deklaratat e forta të ditëve të fundit, ai është treguar më i përmbajtur ndaj prokurorisë, madje e ka falenderuar atë që iu përgjigj sipasTahirit kërkesës nga vetë ish-ministri për hetim të shpejtë.
“Dua ti falenderoj prokurorët që iu përgjigjën kërkesës sime për një hetim të shpejtë. Me kërkesën time u paraqita për të dhënë shpjegimet dhe për të shprehur gadishërinë time, sot e kurdoherë”, tha Tahiri pasi doli nga prokuroria.
Më tej ai ai tha se do jetë tërësisht i disponueshëm dhe i gatshëm t’i përgjigjet çdo pyetjeje nga prokuroria. Tahiri tha se kjo çështje i përket drejtësisë dhe mbetet i hapur për çdo hetim, duke shtuar se debati politik duhet të mbyllet.
“Debati politik lidhur me këtë histori duhet të mbyllet, unë betejën e kam para drejtësisë. Të jeni të bindur që unë jam tërësisht i disponueshëm për t’ju përgjigjur cdo pyetjeje. Tërësisht i hapur për çdo hetim, për t’i shkuar deri në fund të vërtetës sime”, tha tahiri./a.m.
