Elvis Mataj rezulton të jetë bashkëpunëtori kryesor i Kastriot Ismailiaj i arrestuar për skema mashtruese të kompanisë së tij DIA me CEZ. Por Mataj mësohet se është pronar edhe i një kompanie tjetër të mbledhjes së borxheve “Elite Consulting”, e cila faktikisht është e regjistruar nën emrin e gruas së tij Eriselda Brahimallari.
Shoqëria e krijuar në janar të vitit 2011, dyshohet se ka përfituar miliona euro nga ndërmjetësimi i mbledhejs së borxheve dhe ato nuk janë deklaruar.
Për këtë shkak ndaj gruas së Elvis Metaj, Eriselda Brahimllari e cila është pronare dhe administratore e kompanisë në fjalë, ka filluar prej Qershorit të këtij viti një ndjekje penale për krijim të skemave mashtruese lidhur me tatimin mbi vlerën e shtuar.
Është fjala për fshehje të TVSH dhe detyrimeve fiskale të përfituara nga veprimatria si ndërmjetës.Sipas nenit që është marrë e pandehur, Brahimllari rrezikon deri në shtatë vite burg. Kompania “Elite Consulting” e Elvis Metaj në emër të gruas së tij, do të përballet sërisht në Tetor në Gjykatë, pasi janë shtyrë dy seanca për mosparaqitje të pandehurish./TemA/
