Gjykata e Lartë ka caktuar sot datën e seancës për ish-ministrin e Brendshëm, Saimir Tahiri dhe për ish-drejtorin e Policisë së Vlorës, Jaeld Çela.
Mësohet dhe Tahiri dhe Çela do të dalin para gjykatës së Lartë në 28 Shtator ora 10:00. Çështja në këtë gjykatë është dërguar nga ish-ministri dhe ish-polici, të cilët kundërshtojnë vendimin e Gjykatës së Apelit për Krime të Rënda, për kthimin e çështjes së tyre për rigjykim.
Sipas vendimit të Apelit, çështja e tyre duhet të rijetohet dhe rigjykohet nga Gjykata e Shkallës së Parë, duke rrëzuar dhe vendimin që kjo gjykatë kishte parë duke dënuar Tahirin për shpërdorim detyre.
Edhe akuzat e ngritura nga Prokuroria janë rrëzuar dhe kjo çështje do të duhet të hetohet nga fillimi dhe të gjykohet nga një tjetër trupë gjyqësore.
Ish-ministri dhe ish-kreu i Policisë së Vlorës akuzohen se kanë shpërdoruar detyrën duke lejuar mbjelljen e kanabisit në qarkun e Vlorës dhe se kanë lidhje me grupin “Habilaj”.
/a.r
