Urdhri i Ministrisë së Arsimit për pezullimin e Rektorit të Universitetit të Tiranës, Mynyr Koni, duket se është pritur me optimizëm edhe nga vet studentët.
Për televizionin SCAN, kryetari i studentëve në senatin akademik të këtij Universitetit, Kristian Kina, shprehet se mirëpresin ndryshimet në drejtimin e UT.
Kryetari i studentëve tregon më shumë mbi pakënaqësitë e krijuara duke nisur që nga favorizimi i disa fakulteteve, sipas tij, pa meritë duke filluar që nga bursat e studimit.
Por sa janë dëgjuar studentët e këtij universiteti mbi ankesat e tyre, gjatë viteve të fundit, lidhur me problematikat e hasura?
Abuzimet e bëra në UT janë përmendur edhe më herët edhe nga dekanët e 4 fakulteteve për favorizime por edhe për punësime të padrejta në universitet.
Ndërkohë që nga pala tjetër kjo është vlerësuar si luftë politike. Në reagimet e tij rektori i UT ka hedhur poshtë çdo akuzë për shkelje të ligjit gjatë ushtrimit të detyrës. (SCAN)
