Çështja Prenga, Rama takim me Metën dhe ministrat e PS
Edi Rama ka zhvilluar sot në mëngjes një takim rreth 60 minuta me disa prej ministrave ministrave të qeverisë dhe me deputetë të Partisë Socialiste.
Rama është takuar me Gramoz Ruçin, Lindita Nikollën, Saimir Tahirin, Blendi Klosin, Ditmir Bushatin dhe deputetin Koço Kokëdhima. Pas takimit, Edi Rama nuk dha shpjegime, por deklaroi vetëm se bëhej fjalë për një “çështje partie”.
Pas takimit me grupin e tij të besuar në Partinë Socialiste, Edi Rama zhvilloi një takim kokë më kokë edhe me Ilir Metën në kryesinë e Kuvendit.
Këto takime vijnë para seancës së sotme ku pritet heqja e mandatit të deputetit Armando Prenga.
Burime pranë mazhorancës, thonë që “çështja Prenga” ka qenë në epiqendër të këtyre takimeve.
