Padia e Taulant Ballës ndaj kreut të Partisë Demokratike është deleguar në Gjykatën e Tiranës.
Vendimi është marrë nga Krimet e Rënda, të cilat ia kanë kaluar Gjykatës së Tiranës çështjen në fjalë.
Lulzim Basha e akuzoi në Kuvend Ballën si të përfshirë në 3.4 milionë eurot që priteshin të vinin në Durrës përmes makinave ‘Toyota Yaris’.
Kjo bëri që kreu i Grupit Parlamentar socialist t’i drejtohej gjykatës duke pretenduar se bëhet fjalë për shpifje.
Tashmë Gjykata e Tiranës ka në dorë fatin e dosjes, ndërsa ditën e sotme Lulzim Basha nuk i është përgjigjur thirrjes së Ballës që të paraqitej në seancë për të dëshmuar. /javanews/b.d
