“Të hapur dhe në pritjeje për të nisur procedurat për njohjen e certifikatave të vaksinimit kundër Covid-19”.
Kështu iu përgjigj interesimit të A2, zyra e shtypit në Komisionin Europian lidhur me mundësinë e njohjes në vendet e BE-së të certifikatave digjitale, të lëshuara nga autoritet shqiptare të shëndetësisë.
“Presim që partnerët tanë në Ballkanit Perëndimor të lidhen me sistemin tonë. Ne zhvilluam takime eksploruese me të gjitha vendet dhe procesi është në vijim e sipër. Shpresojmë të kemi më shumë ndërveprim së afërmi. Jemi shumë të lumtur që Bashkimi Europian po vendos një trend dhe lidership në teknologji”, shkruhet në përgjigjen e KE.
Teksa Maqedonia e Veriut vlerësohet si vendi i parë i rajonit, certifikatat e së cilës njihen prej 20 gushtit edhe në vendet e Unionin, Komisioni rithekson përkushtimin e treguar ndaj vendeve të Ballkanit Perëndimor.
“Maqedonia e Veriut ishte vendi i parë partner në Ballkanin Perëndimor që u inkorporua me Certifikatën digjitale Covid të Bashkimit Europian. Që prej fillimit, BE-ja ka treguar përkushtim për ta trajtuar Rajonin, si partner të privilegjuar duke i asistuar ata me mekanizma dhe instrumente në kuadër të pandemisë COVID-19”
Pak ditë më parë, Brukseli vendosi të njohë certifikatat e Covid-19 të Maqedonisë së Veriut , Turqisë dhe Ukrainës, duke lënë jashtë Shqipërinë, Kosovën dhe vende të tjera të rajonit.
