Policia e Cërrikut ka arrestuar një 26 vjeçar i cili kishte tentuar të ngacmonte seksualisht një 18 vjeçare.
Ngjarja ka ndodhur në Klos, e teksa vajza po qëndronte në shtëpinë e saj së bashku me babain, Halit Mëhalla nuk ka nguruar dhe ka hyrë në banesë për të ngacmuar sekualisht të renë.
Ja njoftimi i policisë
Specialistët për Krimet, në Komisariatin e Policisë Cërrik, bënë ndalimin e shtetasit: Halit Mëhalla, 26 vjeç, banues në fshatin Klos, Cërrik.
Ky shtetas, u ndalua nga efektivat e policisë, pasi dyshohet të jetë futur në banesën e shtetasit F.S, 51 vjeç dhe të ketë ngacmuar seksualisht vajzën e shtetasit F.S, shtetasen E.S, 18 vjeçe.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vepra të turpshme” dhe “Dhunimi i banesës” parashikuar nga nenet 108/a dhe 112 të Kodit Penal.
