Autoritetet në Republikën Çeke kohë më parë vendosën që të provojnë t’i ndryshojnë emërtimin shtetit të tyre, duke e shkurtuar në vetëm Çeki.
Por, gjashtë pas adoptimit të emrit të shkurtër, Çekia, nga liderët shtetërorë, qytetarët e vendit evropian me 10 milionë banorë janë të dyshimtë se si do të duhej quajtur vendi i tyre.
“Republika Çeke”, përgjigjeshin qytetarët njëri pas tjetrit kur pyeteshin për emrin e vendit të tyre. “Është paksa konfuze. Askush nuk e quan Çeki, nuk e di pse”, ka thënë Lukas Hasik, 40 vjeç, inxhinier softuerik që po vraponte rrugëve të Sheshit Wenceslas për të marrë pjesë në një paraqitje të Dalai Lamas, që po e vizitonte Pragën.
“Njerëzit janë mësuar me emrin Republika Çeke deri më tani dhe mendoj se do duhet të vazhdojmë kësisoj”, raporton “The Guardian”.
“Është Republika Çeke”, është pajtuar Zdenek Cech, 30 vjeç, student mjekësie në Universitetin Charles në Pragë. “Do të doja një emër më të shkurtër, por Çekia s’më pëlqen. Tingëllon shumë e vogël, apo si një lloj dialekti”.
Prillin e këtij viti, liderët çekë, e më i zëshmi prej tyre presidenti, Milos Zeman, lajmëruan se Çekia do të zëvendësojë emërtimin e Republikës Çeke në përdorimin përditshëm – në të njëjtën mënyrë siç njihen shumica e kombeve tjera nga emri që dallojnë nga statusi i tyre zyrtar kushtetues, transmeton Koha.net.
Liderët u pajtuan që të mos e zhdukin tërësisht emërtimin Republika Çeke, por thanë se do të ishte më mirë ta shkurtonin në Çekia për të tërhequr vëmendjen e skenës globale dhe për investime të huaja. Ideja e Zemanit për të shkurtuar emrin e shtetit të tij u përkrah dhe u përqafua në Britani dhe në SHBA, mes tjerësh.
Por, me gjithë tentimet e liderëve, Çekia nuk u pranua në masë nga populli. Autoritetet çeke vazhdojnë ta përdorin termin Republika Çeke në korrespodencat zyrtare dhe në ueb-faqet në gjuhë angleze, përfshi edhe faqen zyrtare të presidentit Zeman.
“Emri me një fjalë, Çekia, nuk është për përdorim zyrtar nga organet shtetërore”, thotë Jan Urban, profesor dhe analist politik në Universitetin e New Yorkut në Pragë. “Është për përdorim jozyrtar, sikurse gazetarët britanikë që thonë Britania në vend të Britania e Madhe, apo si Republika Franceze që quhet Francë”, transmeton Koha.net.
Për disa, emri Çekia keqpërfaqëson imazhin e vendit si dhe bën që shumë njerëz të tallen me këtë emër, pasi tingëllon si shaka.
“Më pëlqen emri Republika Çeke pasi tingëllon si jo-racist”, thotë Jana Stejskalova, gjinekologe nga Moravia. “Çekia tingëllon shumë lindore. Nuk është tingull i mirë për një vend perëndimor”, përgatiti Koha. (b.an)
