Stadiumi kombëtar, “Air Albania”, do të kthehet në një qendër vaksinimi për COVID-19.
Ky vendim u morë nga qeveria shqiptare, ndërsa kryeministri ka postuar sot edhe video nga ambientet, të përshtatura për të nisur vaksinimin, nën fushatën ‘Shqipëria buzëqesh’.
“Nga qendra e parë e fushatës #shqipëriabuzëqesh, aty ku nis së shpejti vaksinimi anti-Covid19 dhe rinis një Shqipëri me më shumë besim tek e ardhmja e tek fuqia e saj për t’u përballur e për të fituar çdo sfidë”, thotë Rama.
Vaksina kundër COVID pritet të mbërrijë në vendin tonë brenda janarit dhe menjëherë të nisin procedurat për shpërndarjen e saj fillimisht tek mjekët dhe personat më të rrezikuar e më pas tek pjesa tjetër e popullatës.
