Artistja Elsa Lila ka publikuar kohët e fundit librin e saj të parë me titullin “Mirë se erdhe në Rabibbia”.
Në emisionin ‘Off the Record’ me gazetarin Andrea Danglli në A2 CNN, Elsa Lila tregoi detaje mbi atë që kishte pasqyruar në libër.
Ajo tregoi se gjatë kohës së arrestimit pak vite më parë në Itali për përfshirje në organizata kriminale të trafikut të drogës, ishte duke fjetur me vajzën e saj kur Karabinierët i shkuan në derë të shtëpisë.
Elsa Lila tha se ai ka qenë një moment i frikshëm për të, sepse ajo nuk e priste, por i frikshëm edhe për vajzën e saj të vogël.
“Sigurisht që si për këdo tjetër, jo vetëm për mua si artiste, por edhe si njeri, si nënë… Sepse isha duke fjetur me vajzën time paqësisht.
Nuk isha duke bërë akte vandale rrugëve, nuk isha duke vjedhur, nuk isha duke bërë akte kriminale, por duke fjetur paqësisht, sigurisht që për këdo, të ngrihet nga gjumi në mes të natës, në mënyrë aq të dhunshme nga forcat e rendit, pa e pritur, sepse kur dikush e pret, ka bërë një krim dhe nuk e zë gjumi natën.
Kurse unë nuk e prisja. Unë nuk e prisja sepse nuk kam bërë asnjë krim dhe shokimi i atij momenti ishte i 5-fishtë. Duke pasur afër vajzën time, i 100-fishtë. Sepse u shqetësova më shumë për shqetësimin e saj se për shqetësimin tim”, tha Lila.
