Gjykata e Arbitrazhit Sportiv (CAS), sot do të nisë të shqyrtojë ankesën e Federatës së Futbollit të Serbisë (FSS) ndaj vendimit të UEFA-s për pranimin e Federatës së Futbollit të Kosovës (FFK). Kosova më 3 maj u pranua në UEFA me 28 vota pro dhe 24 vota kundër, shkruan Koha Ditore.
Nga FSS-ja u vlerësua se pranimi i Kosovës ishte shkelje e statutit të UEFA-s, kurse në FFK thonë se nuk ka vend për shqetësim, meqë Kosova u pranua me vota demokratike.
Siç ka thënë kryetari i FFK-së, Fadil Vokrri, më herët për gazetën, Kosova nuk është palë në këtë çështje dhe se nuk ka vend për shqetësim. Kosova tashmë është edhe në FIFA dhe po luan ndeshje kualifikuese. (b.an)
