Chelsea i ka kërkuar falje ish-doktoreshës së klubit, Eva Carneiro, pasi klubi ka arritur marrëveshje me ish-punëtoren për t’i dhënë fund një procesi gjyqësor.
Në një njoftim të lëshuar në faqen zyrtare të klubit, Chelsea ka shprehur keqardhje me mënyrën si u largua Carneiro nga klubi dhe ka kërkuar falje, citohet Express.
“Klubi ndjehet keq për rrethanat që shpien në largimin e Dr. Carneiros dhe kërkon falje nga ajo dhe familja e saj”, thuhet në njoftim.
Carneiro kishte akuzuar klubin për diskriminim gjinor dhe ngacmim në muajin gusht të 2015-ës.
Ajo ishte larguar nga klubi sepse ishte ndjerë e ofenduar nga trajneri Jose Mourinho, por tani ka arritur marrëveshje me ish-klubin dhe çështjet e ngritura më parë janë mbyllur. (b.an)
