Trajneri i mirënjohur italian, Fabio Capello, ka bërë të ditur se nuk do të drejtojë më ndonjë skuadër. Italiani ka vendosur që të pensionohet nga roli i trajnerit. “Bëra gjithçka që dëshiroja, jam shumë i kënaqur me atë që bëra dhe tani jam i kënaqur të jem një komentator televiziv”, u shpreh Capello.
71-vjeçari kishte udhëhequr Milanin drejt katër titujve në Serie A dhe një në Ligën e Kampionëve në vitet e 90-ta, para se të merrte drejtimin e Real Madridit, klub me të cilin fitoi La Ligën në edicionin e tij të parë.Ai më pas u rikthye te Milani dhe më vonë drejtoi edhe Romën dhe Juventusin, duke e fituar ligën me të dyja ekipet.
Italiani mori për herë të dytë drejtimin e Real Madridit dhe fitoi përsëri një titull të ligës, ndërsa pastaj shkoi te përfaqësuesja angleze, të cilën e udhëhoqi në periudhën 2008-2012.
Ai më pas e drejtoi Rusinë drejt Kupës së Botës në vitin 2014, por u shkarkua pas një kampanje të dobët në Kampionatin Evropian të vitit 2016, përgatiti Express. (b.an)
