Çfarë kanë të përbashkët Shkëlqim Cani dhe Anastas Angjeli? Lista është e gjatë në fakt dhe ky quiz ka shumë përgjigje. Janë të dy ekonomistë? Janë të dy të majtë dhe socialistë? Janë të dy deputetë? Janë të dy ose ministër i dikurshëm i financavë, ose ministër i sotëm financash, ose padiskutim ose njëri, ose tjetri, ministri i ardhëshëm i financave? Të gjitha këto janë të vërteta.
Në PS flasin vazhdimisht për një rivalitet të fshehtë mes dy kolegëve dhe të njohurve të vjetër, por dhe një miqësi shumë të sjellshme me njëri-tjetrin. Profesionale dhe njerëzore, madje. Por e përbashkëta e tyre është dhe diçka krejt tjetër, një koincidencë pothuaj e pabesueshme. Që ka të bëjë me ditëlindjen e tyre. sepse si sot, fiks 59 vjet më parë (lexo, jo më shumë se 35 vjet më parë) në datën 6 maj 1959, njëri në Tiranë dhe tjetri në Sarandë, edhe Shkëlqimi, edhe Anastasi, vendosën të vijnë në këtë botë duke qarë.
Domethënë, erdhën në jetë si të gjithë fëmijët e kësaj bote: duke qarë pa ditur se jeta do t’u buzëqeshte më pas në karrierën e tyre profesionale dhe politike. Redaksia e Revistës Java i bën të dyve një urim të dyfishtë: gëzuar, edhe 100!
