Drejtuesja e Bordit të ONM në Tiranë i është përgjigjur sot Ministrit të Drejtësisë Petrit Vasili në lidhje me shqetësimet e këtij të fundit.
Sipas Genoveva Ruiz Calavera, Komisioni Evropian nuk mund të komentojë rolin e Operacionit Ndërkombëtar të Monitorimit, pasi Bashkimi Evropian është shprehur një herë kur ai dha mbështetje për ONM.
“Nuk ka nevojë për të negociuar një marrëveshje të re për ONM. Bashkimi Evropian vitin e kaluar ka dhënë mbështetje për Operacionin dhe për këtë është vënë në dijeni edhe qeveria shqiptare.” – sqaron Genoveva Calavera.
Reagimi i Calaveras vjen pas shqetësimit të Petrit Vasilit se ngritja e Bordit të Monitorimit Ndërkombëtar është antikushtetues.
“Bordi i Menaxhimit është një organ teknik i një natyre jopolitike. ONM do të bëjë detyrën që Kushtetuta e Shqipërisë i ka besuar” – shkruan Calavera në letrën e saj.
Kreu i Bordit sqaroi sot gjithashtu se komunikimi per ONM është çështje e brendshme duke theksuar se ai nuk ka rol vendimarrës, por vetëm monitorues. /javanews/b.d
