Përfaqësuesja e Kosovës do të ndeshet me Turqinë të shtunën. Ndeshja e katërt kualifikuese për Kosovën është ajo ndaj Turqisë në Antalya.
UEFA ka përcaktuar që ky takim të drejtohet nga gjyqtari hungarez, Tamas Bognar, i cili për asistent do të ketë dyshen, Balazs Buzas dhe Zsolt Varga, transmeton KosovaPress.
Bognar së fundmi ka gjykuar ndeshjen në mes të Lihtenshtajnit dhe Shqipërisë e luajtur më 6 tetor në Vaduz, e cila u mbyll me fitoren e kuqezinjve me rezultatin 2:0. Ky takim do të zhvillohet nga ora 18:00, ditën e shtunë. (b.an)
