Drejtori i Përgjithshëm i Policisë së Shtetit Haki Çako ka mbledhur krerët e lartë të uniformave blu në një takim me dyer të mbyllura pas ashpërsimit të akuzave nga opozita për lidhje të disave prej tyre me botën e krimit.
Në këtë mbledhje, mësohet se Çako u është drejtuar vartësve të tij me tone mjaft të ashpra, duke i paralajmëruar se vërtetimi i çdo lidhjeje me persona të inkriminuar, do ti vendosë ata të parët pas hekurave.
Po ashtu Çako ka parlajmëruar se do të largohet çdo punonjës që në zonën e tij nuk punon për parandalimin e kultivimit të kanabisit.
“Kush ka lidhje me kriminelë do pezullohet. Pas hekurave do shkoni ju të parët. Kush lejon të mbillet kanabis do pezullohet”, mësohet t’u jetë drejtuar vartësve Haki Çako./a.m.
