Ministri në detyrë për Europën dhe Punët e Jashtme, Gent Cakaj u shpreh sot krenar për mbështetjen e pakursyer ndaj Republikës së Kosovës, që shprehu sot në OKB, kryeministri Edi Rama.
Cakaj reagoi pas fjalës së Kryeministrit Edi Rama, në Asamblenë e Përgjithshme të Kombeve të Bashkuara.
Sipas tij, Kryeministri foli krejt pa dorashka, qoftë ndaj Serbisë për mosnjohjen ende të Republikës të Kosovës dhe qoftë ndaj BE-së, për mosliberalizimin ende të vizave për popullin e Kosovës.
“Krenar me fjalën e Kryeministrit të Republikës të Shqipërisë, Edi Rama, në Asamblenë e Përgjithshme të Kombeve të Bashkuara, jo vetëm në mbështetje të pakursyer të Republikës së Kosovës, por edhe krejt pa dorashka, qoftë ndaj Serbisë për mosnjohjen ende të Republikës të Kosovës dhe qoftë ndaj BE-së, për mosliberalizimin ende të vizave për popullin e Kosovës”, tha Cakaj.
/a.r
