Qytetarët që marrin pjesë në protestën e organizuar nga Partia Demokratike do të lejohen të vijojnë tubimin e tyre edhe pas mbarimit të orarit zyrtar të lejes. Këtë fakt e ka konfirmuar vet ministri i Brendshëm, Saimir Tahiri. Ai është pyetur nëse do të lejohen apo jo protestuesit që të vendosin çadrat në Bulevardin ‘Dëshmorët e Kombit’, ministri tha se mund ta bëjnë këtë gjë, por vetëm pa prishur rendin dhe qetësinë.
“Nuk do ti pengojmë protestuesit për vendosjen e çadrave. Ata do lejohen të qëndrojnë në shesh. Ne kujdesemi për protestuesit, nuk i vrasim”, tha Tahiri për ‘News24’.
