“25-vjecari Klodian Rrasha kishte qenë duke konsumuar kafe me shoqërinë para se të ndeshte patrullën e Policisë afër rrugës “Don Bosko”. Ai nuk i është bindur urdhrit të policisë për të ndaluar”. Kështu deklaroi xhaxhai i Klodian Rrashës, i cili mbeti viktima, pasi u qëllua nga policia tek rrugica që të çon në banesën e të riut.
Duke folur për mediat, xhaxhai i 25-vjeçarit tha se nipi i tij nuk ka pasur kurrë armë dhe as mbrëmjen e djeshme nuk mund të ketë qenë i armatosur. Ai tha se nipi kishte pasur dy hurma në dorë.
Pse ishte në atë orë jashtë nipi?
“Për të pirë kafe ishte jashtë banesës. Ka qenë i sëmurë përpara po jo, gjatë ditës ka qenë duke punuar. Ça armësh more zotëri?”
E keni parë trupin e pajetë të nipit?
“Jo, as nuk dimë gjë, vetëm e dimë se është në morg.
Edhe në emër të vëllait, kërkojmë që kjo të zbardhet deri në fund, vëllai më ka garantuar që djali s’ka pasur absolutisht asgjë me vete se s’ka armë as në shtëpi.
Se si ka ndodhur nuk dimë gjë. Besimin e kemi dhe te ju dhe te shteti, apeli ndaj policisë është këtë punë të na e zbardhi deri në fund sido të jetë puna”, tha xhaxhai.
g.kosovari
