Deputeti i Partisë Demokratike Oerd Bylykbashi ka akuzuar mazhorancën se po mban peng reformën zgjedhore. Ai deklaroi se Partia Demokratike ka përgatitur një platformë ku sipas tij gjejnë zbatim rekomandimet e OSBE-ODIHR. Bylykbashi deklaroi se partitë e mazhorancës nuk kanë vullnet për reflektimin e këtyre rekomandimeve.
“Po bëhen gati 7 muaj, që mazhoranca ka sabotuar reformën zgjedhore. Vetëm e vetëm që të vijmë në këtë pikë kur janë dekretuar zgedhjet. Platforma e PD kërkon që të kriminalizohet shit-blerja e votës. Edi Rama e bllokoi reformën. Kemi kërkuar një numër masash që garantojnë barazinë në media dhe zgjidhjen e problemeve që OSBE-ODIHR ka ngritur. Propozimet që bëjnë partitë e mazhorancës, nuk kanë synim për të trajtuar rekomandimet e OSBE”, deklaroi Bylykbashi./a.m.
