Chelsea ka arritur që t’i marr tri pikë shumë të rëndësishme në Stamford Bridge përball Norwich Cityt, derisa në anën tjetër, Arsenali i Arsene Wengerit, është mposhtur si mysafirë i West Bromwich Albion me rezultat 2:1.
Chelsea ka shijuar fitoren e katër për këtë edicion pasi e mposhti para tifozëve të vetë skuadrën e Norwich Cityt me rezultat minimal 1:0.
Golin e vetëm në këtë takim e shënoi sulmuesi spanjoll Diego Costa në minutën e 64’tër. Kjo fitore e rendit Chelsean në pozitën e 15 në tabelë me 14 pikë të tubuara.
Në anën tjetër Arsenali i Arsene Wengerit, është befasuar nga WBA’ja pasi u mposht me rezultat 2:1.
Të parët në epërsi kaluan Arsenali, Mesut Ozil dhuroi një harkim të bukur për sulmuesin, Oliver Giroud, i cili nuk e pati të vështirë të shënoi për 1:0.
Megjithatë, vendasit reaguan shumë shpejt, duke përmbysur gjithçka në këtë takim. Fillimisht James Morrison ishte ai që barazoi në 1:1 në minutën e 35’të, para se Mikel Arteta të shënoi autogol në minutën e 40’të për rezultatin përfundimtar 2:1.
Arsenali kishte mundësin që të merrte rezultat pozitivë në këtë takim, por mesfushori Santi Cazorla dështoi nga penaltia në minutën e 84’tër të ndeshjes.
Pas kësaj humbjeje, Arsenali gjendet në pozitën e katërt me 26 pikë.
https://www.youtube.com/watch?v=KA8BVzZpBII
https://www.youtube.com/watch?v=Z9ezVbej5L8
https://www.youtube.com/watch?v=SfWs98xyT60
